Arulmigu Sri Bairavar Theipirai Vazhipadu

தேய்பிறை அஷ்டமி‬ பைரவர் வழிபாடு 

 

Thiruvannamalai Arulmigu Sri Kalabairavar, Image source

நட்சத்திரம், திதிகள், கிழமைகள் போன்றவற்றில் பல்வேறு வழிபாடுகள் செய்கிறோம். சாதாரணமாக சுபகாரியங்கள் செய்வதற்கு தவிர்க்கும் திதிகளில், இறைவனுக்குரிய வழிபாடுகளை மேற்கொள்கிறோம். கிருஷ்ணருக்கு அஷ்டமி திதியிலும், ராமருக்கு நவமி திதியிலும் ஜெயந்தி கொண்டாடுகிறோம்.

Vairavanpatti Arulmigu Sri Bairavar, Image source

அந்த வகையில் இறைவனின் அம்சமாக, அவதாரமாக இருக்கும் பைரவருக்கு தேய்பிறையில் வரும் அஷ்டமி வழிபாடு மிக சிறப்பானதாகும். பைரவர் வழிபாடு ஆதிசங்கரரால் தோற்றுவிக்கப்பட்டு காலம், காலமாக நடைபெற்று வருகிறது. பைரவ மூர்த்திகளில் 64 திருவடிவங்கள் உள்ளதாகவும் மேலும் 108 வரை உள்ளதாகவும் அறியப்படுகிறது. ஒவ்வொரு பிரசித்தி பெற்ற சிவஸ்தலங்களில் வடகிழக்குப் பகுதியில் பைரவருக்கு தனி சந்நதி இருக்கும். அனைத்து சிவாலயங்களிலும் காலையில் சிவபூஜை சூரியனிடமிருந்து தொடங்கி அர்த்த ஜாமத்தில் பைரவருடன் முடிவடைகிறது.

Arulmigu Sri Bairavar, Image source and additional information

நட்சத்திரம், திதிகள் இணைந்து வருவதும், தனியாக வருவதும் ஒவ்வொரு தெய்வத்திற்கும் உகந்ததாகும். பைரவருக்கு தேய்பிறை அஷ்டமி திதி சிறப்பானதாகும். கார்த்திகை மாதத்தில் வரும் அஷ்டமி கால பைரவாஷ்டமி என்று அழைக்கப்படுகிறது. பைரவரை தினசரி வணங்கினாலும், அஷ்டமி திதிகளில் வணங்குவது சிறப்பாகும். அன்றைய தினம் அஷ்டலட்சுமிகளும் வழிபடுவதாக புராண, சாஸ்திரங்கள் தெரிவிக்கின்றன. அதனால் தான் ஒவ்வொரு மாதமும் வரும் தேய்பிறை அஷ்டமிக்கு சிறப்பு அடைமொழி கொடுத்துள்ளனர்.

1. சித்திரை: ஸ்நாதனாஷ்டமி
2. வைகாசி: சதாசிவாஷ்டமி 
3. ஆனி: பகவதாஷ்டமி 
4. ஆடி: நீலகண்டாஷ்டமி 
5. ஆவணி: ஸ்தாணு_அஷ்டமி
6.  புரட்டாசி: சம்புகாஷ்டமி 
7. ஐப்பசி: ஈசான சிவாஷ்டமி 
8. கார்த்திகை: கால பைரவாஷ்டமி 
9. மார்கழி: சங்கராஷ்டமி 
10. தை: தேவதாஷ்டமி 
11. மாசி: மகேஸ்வராஷ்டமி 
12. பங்குனி: திரியம்பகாஷ்டமி

சிவாலயங்களில் முதல் வழிபாடு விநாயகருக்கு என்றால் இறுதி வழிபாடு பைரவருக்கு. ஒருவகையில் ஆலயத்தின் காவல் தெய்வமாக கருதப்படும் பைரவர், சிவனுடைய அம்சம் ஆவார். அஷ்ட பைரவர்களும் அவர்களுக்கான தேவிகள் அஷ்ட பைரவிகளும் உண்டு. ஒவ்வொரு மாதமும் வளர்பிறை மற்றும் தேய்பிறையில் அஷ்டமி திதி அன்று பைரவ வழிபாடு செய்ய உகந்தது ஆகும்.  அந்நாள் பைரவாஷ்டமி என்று வழங்கப்படுகிறது. அதிலும் தேய்பிறை அஷ்டமி கால பைரவாஷ்டமி என்று வழங்கப்பட்டு சிறப்பு பெறுகிறது.

Arulmigu Sri Dhaksinakasi Kalabairavar, Image source

ஸ்ரீ பைரவருக்குப் பவுர்ணமிக்கு பின்வரும் தேய்பிறை அஷ்டமி திதியில் பஞ்ச எண்ணெய் தீபம் ஏற்றி வழிபட வேண்டும். ஐந்து வகை எண்ணெய் கொண்டு ஏற்றப்பட வேண்டும், ஐந்து தனி தனி அகல் எடுத்துக் கொண்டு ஒரு அகலில் நல்லெண்ணெய். இன்னொரு அகலில் இலுப்ப எண்ணெய். மற்றொன்றில் விளக்கு எண்ணெய். அடுத்ததில் பசு நெய். அடுத்த அகலில் தேங்காய் எண்ணெய் ஊற்றி பைரவ சுவாமியை நோக்கி அகலின் திரி முகம் வைத்து தனித்தனியாக ஏற்ற வேண்டும், ஒரு அகலில் ஏற்றிய நெருப்பில் இருந்து இன்னொரு தீபம் ஏற்றக்கூடாது, (ஒவ்வொரு எண்ணெய் கொண்டு எரியும் தீபத்தின் சக்தி வெவ்வேறாகும், ஒன்று இன்னுமொன்றோடு சேரக்கூடாது சக்தி மோதல் உண்டாகும்) இவ்வாறு தனித்தனியாக ஏற்றி வழிபட்டால் தீரா பிரச்சினையும் தீரும், காலத்தினால் தீர்க்க முடியாத தொல்லைகள் நீங்கும்.

Arulmigu Sri Bairavar, Image source

நல்லருள் கிட்ட பைரவர் என்றாலே பயத்தை நீக்குபவர், அடியார்களின் பாபத்தை நீக்குபவர் என்று பொருள். படைத்தல், காத்தல், அழித்தல் அதாவது ஒடுக்குதல் ஆகிய முக்கிய இறையருள் தெழில்களை செய்து பல லட்ச உயிர்களையும் காப்பதால் அவருக்கு திரிசூலம் அதிகார ஆயுதமாக அளிக்கப்பட்டது. படைத்தல் தொழிலை உடுக்கையும், காத்தல் தொழிலை கையில் உள்ள கபாலமும், அழித்தல் தொழிலை உடலில் பூசிய விபூதியும் குறிக்கும்.

Arulmigu Sri Swarna Bairavar, Image source

எந்தவித பூஜைகள் செய்யா விட்டாலும் கூட இக்கட்டான நேரத்தில் முழு மனதுடன் அவரை நினைத்தாலே கூட போதும். சந்தோஷத்துடன் உடனே செயல்பட்டு நம்மை ஆபத்துகளிலிருந்து காப்பாற்றுவார். முதலில் துவங்கும் காலை பூஜையும், இரவில் நடக்கும் இறுதியான பூஜையும் ஸ்ரீ பைரவருக்கே உரியது. பற்றற்ற நிலையில் நிர்வாண கோலத்தில் பைரவர் வீற்றிருப்பதால் பைரவர் விக்ரகத்தை தொட்டு வணங்குதல் நாமே சென்று புஷ்பம் சாற்றுதல் ஆகியவை கூடாது.

Thadikombu, Arulmigu Sri Swarna Akarshana Bairavar, Image source

சித்திரை, ஐப்பசி மாதங்களில் வரும் பரணி நட்சத்திர நாட்கள் ஸ்ரீ பைரவருக்கு மிக உகந்த நாட்கள் ஆகும். ஞாயிறு முதல் சனி வரையிலான வாரத்தின் அனைத்து நாட்களும் ஸ்ரீ பைரவரை வழிபட உகந்த நாட்கள் தான். ஆயினும், தேய்பிறை மற்றும் வளர்பிறை நாட்களில் வரும் அஷ்டமி திதி ஸ்ரீ பைரவரை வணங்குவதற்கு மிக விசேஷமான நாட்களாக நடைமுறையில் உள்ளது.

 ‘‘அட்ட பைரவருமோருருவாகி கிருட்ண பட்ச யட்டமியந்தியில்
அருள் பரிபாலிக்க தொழுதிருப் பாருக்காததேது’’ 

 - (என்கிறது அகஸ்தியர் நாடி)

சீர்காழியில் உள்ள சட்டை நாதர் என்னும் பைரவரை வழிபடுவதன் சிறப்பை இப்படி விளக்குகிறது அகஸ்திய நாடி.

Srikazhi Arulmighu Uma Mageshwarar - Appan Thoniappar, Image source

Srikazhi Arulmigu Sri Sambhandhar, Image source

திருஞானசம்பந்தராகப் போற்றப்படும் ஆளுடைப் பிள்ளை என்ற ஞானக் குழந்தை ஞானம் பெற்ற கோயில் இது. பிரம்ம தீர்த்தக் கரையில் அம்பாள் பொற்கிண்ணத்தில் ஞானசம்பந்தருக்கு பால் ஊட்டிய தலம். நாம் ஒவ்வொரு வரும் தொழ வேண்டிய அற்புதக் கோயில். ஆதி சங்கரர் தமது "சௌந்தர்ய லஹரி" என்ற நூலில், ‘‘ஞானப்பால் பார்வதி தேவியிடம் இந்த திராவிட சிசு உண்டது சத்தியம்’’ என கொண்டாடுகிறார்.

தோடு உடைய செவியன் விடை ஏறி ஓர் தூ வெண் மதி சூடிக்
காடு உடைய சுடலைப் பொடி பூசி என் உள்ளம் கவர் கள்வன்
ஏடு உடைய மலரான் முனை நாள் பணிந்து ஏத்த அருள் செய்த
பீடு உடைய பிரமாபுர[ம்] மேவிய பெம்மான் இவன் அன்றே

                                                        -  திருஞானசம்பந்த பிரான்

Sirkazhi Arulmigu Sri Sattainathar, Image source

திருநாவுக்கரசரை "அப்பர்" என ஞானசம்பந்த பிரான் அழைத்துப் போற்றிய புண்ணிய கோயில் இந்த சட்டநாதர் கோயில். சீர்காழி என்ற ஊருக்கே புகழைச் சேர்த்த இந்த சட்டநாதர், பைரவ சுவாமியின் மறு பதிப்பு வேற்றுருதான். அஷ்டமி திதி தேய்பிறையில் இங்கு எட்டு வித பைரவ மூர்த்திகளும் கூடி நின்று பக்தர்களின் வேண்டுதலை நிறைவேற்றுகின்றனராம். எனவே, "தேய்பிறை அஷ்டமி திதி மாலை வேளையில் சட்ட நாதனை தொழுபவர் பெரும் பாக்யவான்களே" என்கிறார் அகஸ்தியர்.

 

Video source, Thiru Gnanasambhdhar'in Padal on Brahamapuram

12 ராசிகளையும் தன் உடலில் அங்கங்களாகக் கொண்டவர் ஸ்ரீ பைரவர். நவக்கிரகங்களுக்கும் பிராண தேவதையாக இருப்பவரும் பைரவரே. தேவ, அசுர, மானிடர்களும் அஞ்சும் கிரகம் சனி பகவான் ஆவார். சனிக்கு வரம் தந்து, இக்கடமையைச் செய்ய வைத்த சனியின் குரு ஸ்ரீ பைரவரே ஆவார். சனியின் வாத நோயை நீக்கிய வரும் பைரவரே.

Kundadam Arulmigu Sri Kongu VadukanathaSwamy,Image source

தன் தமையன் எமன், பைரவரிடம் அதீத சக்திக்கு வரம் பெற்றதைக் கண்ட அவன் தம்பி சனீஸ்வரன், பைரவரை நோக்கி கடுமையான தவம் இருந்தான். தவ வலிமையால் பைரவர் அவன் முன் தோன்றி, மும்மூர்த்திகள் உள்பட அனைவரையும், கால வர்த்தமான நிர்ணயப்படி (ஜோதிட ரீதியாக சனிப் பெயர்ச்சிப்படி) நல்லது தீயது செய்யும் சக்தி அருளினார். அப்போது சனீஸ்வரனிடம் ஒரு சத்தியப் பிரமாணம் பெற்றுக்கொண்டார்.

சனீஸ்வரனின் சஞ்சாரத்தால் எவர் ஒருவருக்கு கஷ்டம் கொடுக்க வேண்டியிருந்தாலும், அவர்கள் பைரவரை வழிபட்டு சரணடைந்தால் அவரகளுக்கு சனீஸ்வரன் நன்மையையே செய்ய வேண்டும் என பைரவபெருமானிடம் விரும்பினார். அதனால் தான் ஏழரை நாட்டுச்சனி, அஷ்டமச்சனி, ஜன்மச்சனியால் அவதிப்படுவோர் பைரவ வழிபாடு பண்ணுவதன் மூலம் அத்தொல்லைகளிலிருந்து விடுபட முடியும்.

Thalainayaru Arulmigu Sri Sattainatha Swamy, Image source and additional information

 

தேய்பிறை அஷ்டமி, குறிப்பாக கார்த்திகை மாத தேய்பிறை அஷ்டமி பைரவ வணக்கத்திற்கு மிகவும் சிறந்தது. சாதாரணமாக நாய் வாகனம் பைரவரின் பின்புறம் வலப்பக்கம் தலை உள்ளவாறு இருக்கும்.சில இடங்களில் இடப்பக்கம் தலை உள்ளவாறு இருக்கும்.

Nagapattinam Arulmigu Sri Bairavar, Image source

மிக அரிதாக சில இடங்களில் மட்டுமே இருபக்கமும் நாய் வாகனங்களுடன் பைரவர் காட்சி தருகிறார். இவ்வாறு இடப்பக்கம் மற்றும் இரு வாகனங்களுடன் உள்ள பைரவ பெருமான் மிகுந்த சக்தியுடன் விளங்குவதாக ஐதீகம். ஏவல், பில்லி, சூனியம், பேய் பிசாசு முதலியவற்றின் தொல்லைகளிலிருந்து பூரண விடுதலை அடைய, வாழ்வில் வளம் பெற, திருமணத்தடைகள் நீங்கிட, பிதுர்தோஷம், சனி தோஷம், நீங்கி பைரவர் வழிபாடு மிகவும் உதவும்.

Adiyamankottai Arulmighu Sri Kala Bairavar, Image source

தேய்பிறை அஷ்டமி நாளில் அஷ்ட லட்சுமிகளும் பைரவரை வணங்குகின்றனர். அந்த நாளில் நாம் பைரவரை வணங்குவதால் பைரவரின் அருளோடு அஷ்ட லஷ்மிகளின் அருளும் கிடைக்கப் பெறுவோம். ராகு காலத்தில் பைரவர் சன்னதியில் அமர்ந்து சொர்ணாகர்ஷண பைரவரின் மூல மந்திரத்தை ஜெபித்து வந்தால் கடன் தொல்லை நீங்கும். 

பைரவ காயத்ரி

ஷ்வானத் விஜாய வித்மஹே
சூலஹஸ்தாய தீமஹி
தன்னோ பைரவ ப்ரச்சோதயாத்!

இத்தகைய சிறப்பு வாய்ந்த அஷ்டமி வழிபாட்டினை பின் பற்றி எல்லா நலமும் அடைவோமாக!. "ஈசன் அருளைப் பெற மக்கள் மெய்வருத்தம் பாராது ஆலயங்களுக்கு செல்ல வேண்டும் என்பதே எங்களது பிரார்த்தனையும், வேண்டுகோளும்!" 

தென்னாடுடைய சிவனே போற்றி!
எந்நாட்டவர்க்கும் இறைவா போற்றி!

காற்றாகி எங்கும் கலந்தாய் போற்றி!

கயிலை மலையானே போற்றி! போற்றி! 

The many contents of this article was forwarded to me in an email and the contents correlate with several articles (article 1 , article 2 , article 3) posted in this blogspace. I have added some of my one contents to enrich this article. I did some internet searches to find out the original sources of this post, it is possible that this article is being composed from several other sources. We would like to thank the authors (ஆதிரை, தில்லை இளந்தென்றல்) for their articles.
Source 1
Source 2 

Additional information on Arulmigu Sri Kala Bairavar: agasthiar.org
Article from Thalir blogspace

 Om Guruve Namaha...  

 

நேசத்துடன்
குபேரன் ஜோதிடர்

Pitha Pirai Sudi, our Appan Shivan

Appar Sundarar'in Thiru Padhigam on our Thiruvennainallur Appan Kirupapureeshwarar

 

             

Youtube video source (Original weblink)

Appar Sundarar, Thirumurai - 7

Our heartfelt thanks to: Thiru Venkatesan Othuvaar for his beautiful rendering.

 

Om Guruve Namaha...

நேசத்துடன்  

குபேரன் ஜோதிடர்

 

Thiruvidaimaruthur Arulmigu Mahalingeshwara Swamy

திருவிடைமருதூர் மகாலிங்கேஸ்வர சொரூபம்

Arulmigu Appan Sri Mahalingaeshwarar, Image source

 சிவரூபங்களில் மகாலிங்கேஸ்வர சொரூபம் மிக மிக மகத்துவம் வாய்ந்தது. சிவத்துவத்தின் பரிபூரணமும் இதில் அடங்கிவிடும் என்பது ஐதீகம்.

முன்ஜென்மம், பின்ஜென்மம் என்று அனைத்து நிலை பிறப்புகளிலும் சாபல்ய யோகம் பெற மகாலிங்கேஸ்வரரையே அக்காலத்தில் மக்களும் மன்னர்களும் வணங்கினர்.

Arulmigu Sri Amma Perumulaiyal, Image source

இத்தகைய சிறப்பு வாய்ந்த மகாலிங்கேஸ்வர பெருமான் திருவிடைமருதூர், சதுரகிரி, ஸ்ரீசைலம் (ஆந்திரா) ஆகிய இடங்களில் மட்டுமே காட்சியளிக்கிறார்.
இவற்றில் பாமரர்கள் செல்வதற்கும் வணங்குவதற்கும் எளிமையான ஸ்தலம் திருவிடைமருதூராகும்.

ஊழ்வினை தோஷம் (பிரம்மகத்தி தோஷம்), கோ தோஷம், பஞ்சபட்சி தோஷம், உயிர்பலி தோஷம், பெண் சாபம், பித்ரு சாபம், சத்ரு சாபம் என அனைத்து வகையான பீடைகளும் அகல திருவிடைமருதூர் பெருமானை வணங்குவது மிக எளிய ஆனால் சக்தி வாய்ந்த பரிகாரமாகும்.

நன்னம்பிக்கையை மனதில் வைத்து திருவிடைமருதூர் சென்றால் மேற்கண்ட அனைத்து வகையான தோஷங்களும் நீங்குவதோடு, ஜாதகரீதியில் ஏற்பட்டு வரும் எல்லா வகையான திருமணத் தடைகளும் அகலும் என்பது ஊர்ஜிதமான உண்மையாகும்.

ஆதலால்தான், திருமணத் தடை நீங்க, மழலை ஒலி கேட்க திருவிடைமருதூரையே முற்றும்முதலுமான பரிகாரமாக ஜோதிடர்கள் பரிந்துரைக்கின்றனர்.

திருவிடைமருதூருக்கு செல்வதில் உரிய முறைமைகளை பின்பற்றுதலும் அவசியமானதாகும். இதை புனிதப் பயணமாக மனதில் நிறுத்தி, புலால் உண்பதை தவிர்த்து பயணம் மேற்கொள்ள வேண்டியது மகிவும் அவசியம்.

Karuniga Theertham, Image source

திருவிடைமருதூர் மகாலிங்கேஸ்வர ஸ்தலத்தின் கிழக்கு வாசலில் உள்ளே சென்றவுடன், கருநிகா தீர்த்தத்தில் குளித்துவிட்டு, விநாயகரை வணங்கிவிட்டு, நந்திக்கு நெய்தீபம் ஏற்றி வழிபடவேண்டும்.

பிறகு, சிவன், அம்பாள், மூகாம்பிகை ஆகிய மூவருக்கும் சங்கல்ப பூஜை செய்து, மனதார வேண்டிவிட்டு, மேற்கு வாசல் வழியாக வெளியேற வேண்டும். (கிழக்கு வாயில் வழியாக வரும்போது, லிங்கேஸ்வரனை கண்டு ஒதுங்கி நிற்கும் ஊழ்வினைகள், மேற்கு வாசல் வழியாக வெளியேறும்போது நம்மை நிரந்தரமாய் பிரிந்துவிடும் என்பது ஐதீகம்) மனச்சுத்தியோடும், உடல்சுத்தியோடும் இப்பரிகாரத்தை மேற்கொண்டால், மணத்தடைகள், மகப்பேறு தடைகள், உடல்ரோகங்கள், மனபலகீனங்கள், சத்ரு அச்சங்கள், வழக்கு விவகாரங்கள், மணவாழ்வில் நெருடல்கள் என அனைத்தும் நீங்கப்பெறலாம்.

Other interesting links 

• Vaananba article on Thiruvidaimaruthur Temple 
• Dinamalar article on Sri Mahalingaeshwarar Temple 
• Wikipedia article on Thiruvidaimaruthur Temple 

  

Om Guruve Namaha...

  

நேசத்துடன்
குபேரன் ஜோதிடர்

Nemam Arulmigu Thiru Aavundeeswarar undanurai Amirthambigai Amman

மிருத்யு தோஷ, மரண தோஷ நிவர்த்திக்கு உதவும்

நேமம் திருத்தல தர்ப்பணம்

 

ரண காயங்கள், கடும் உடல் ரோகங்களால் அவதிப்பட்டு இயற்கை ஏய்துவது கூட ஒரு துர்மரணமே ஆகும். தீவினைகளைத் தவிர்த்து துர்மரண தோஷத்தில் இருந்து விடுபட்டு வலியின்றி இறைவனிடி சேர நேமம், அமிர்தாம்பிகை-ஆவுண்டீஸ்வரர் ஸ்தல தரிசனம் அவசியமான பரிகாரமாகிறது. தீரா நோயால் அவதிப்படுபவர்களின் ரத்த உறவுகள் இத்தலத்துக்கு நேரில் சென்று வழிபட, ஜெனனகால ஜாதகம் அனுமதித்தால் நோய் நிவர்த்தி கைகூடும். அதே நேரம், இறைவனின் சங்கல்பம் வேறுவகையில் இருந்தால் வலியின்றி இறைவனடி சேர வழிபிறக்கும்.

 ஸ்ரீ ஆவுண்டீஸ்வரர் உடனுரை ஸ்ரீ அமிர்தாம்பிகை திருக்கோயில்

 

Appan Arulmigu Sri Aavundeeshwarar, Image source

சென்னை அடுத்துள்ள திருமழிசையிலிருந்து 5 கிலோ மீட்டர் தொலைவில் நேமம் என்னும் அழகிய கிராமம் உள்ளது. உள்ளே இறைவனையும் இறைவியையும் காணும்போது மெய்சிலிர்க்கிறது. ஊரின் ஈசானிய மூலையில் சிவன் கோயில் அமைந்திருப்பது அரிய அம்சமாகும்.

மாடு மேய்க்கும் சிறுவனின் பசுக்களில் ஓன்று லிங்க வடிவத்தின் மீது பால் கரப்பதை அறியாத சிறுவன், சாட்டையால் பசுவை அடிக்க, அந்த அடியை இறைவன் தாங்கிக் கொண்டு பசுவிற்க்கும், சிறுவனுக்கும் காட்சி தந்தான் என்பது ஐதீகம் அந்த அடையாளம் இன்னும் சிவன் மீது காணப்படுகிறது.

Ammal Arulmigu Sri Amirthaambigai, Image source

நவராத்தி, வெள்ளி, பூர நட்சத்திர நாட்களில் வளையல்கள் இட்டு வழிபட வேண்டிய தேவி! குங்குமப்பூவால் அர்ச்சித்திட நற்காரிய சத்திகளை அளிக்கும் அம்பிகை!

அமாவாசையில் பித்ரு லோகத்தார் யாவரும் வந்து வழிபடும் ஆலயம்! நவராத்திரி நாயகியாகப் போற்றபடும் தேவி.

நேமம் ஸ்ரீ அமிர்தாம்பிகை சமேத ஸ்ரீ ஆவுண்டூ ஸ்வரர் திருக்கோயில் பல கோடி யுகங்களாக இப்பூவுலகைத் தாங்கும் அஷ்டதிக்குப் பாலகர்களும், நேமம் திருக்குளத் திர்த்தத்தில் நீராடித் தம் களைப்பை இமைப்பொழுதில் போக்கிக் கொள்ள உதவும் ஒளஷதத் தீர்த்தத் தலமாக, பிணி தீர்க்கும் அருட்பெரும் ஆலய பூமியாக, நேமம் ஸ்ரீ அமிர்தாம்பிகை சமேத ஸ்ரீ ஆவுண்டீஸ்வரர் ஆலயம் விளங்குகிறது.

இறைவன் இறைவியைத் தவிர பால விநாயகர், தட்சணாமூர்த்தி, மகாவிஷ்ணு, பிரம்மா, சண்டிகேஸ்வரர், சிவவிஷ்ணு துர்க்கை, வள்ளி தெய்வானை உடன் முருகப் பெருமான், வரசித்தி விநாயகர், பைரவர், காசி விஸ்வவநாதர், விசாலாட்சி, நந்தீஸ்வரர் பல பீடம் என அனைத்தும் ஓருங்கே அமைந்துள்ளன.

இங்குள்ள சிவாலயம் புண்ணியத் தலம் என்று குறிப்பிடப்படுகிறது. அக்காலத்தில் பைரவர் சந்நிதியை முதன்மையாகக் கொண்டு ஆலயம் அமைந்துள்ளது சிறப்பு அம்சமாகும். பெண்களாய் பிறந்த ஒவ்வொருவரும் இங்குள்ள அமிர்தாம்பிகை அம்பிகையை வாழ்நாளில் ஒருமுறையேனும் தரிசிக்க வேண்டிய புண்ணியஸ்தலம்.

Arulmigu Sri Amudha Yogeeshwara Bhairava, Image source

வழித்தடம்

 

திருவள்ளூர்-பூவிருந்தவல்லி மார்க்கத்தில், பூவிருந்தவல்லியில் இருந்து 10 கி.மீ., நேமம் கூட்டு சாலையில் இருந்து 1.5 கி.மீட்டரில் திருத்தலம் அமைந்துள்ளது.

தொடர்பு: எம்.குமார் - (+91) 98407 70248.

Interesting internet links with pictures:

• Supranidevi blogspot article on Nemam Temple 
• Aalyamkanden blogspot article on Nemam Temple 
• Agasthiar.org article on Nemam Temple 

 Om Guruve Namaha...

 

நேசத்துடன்

குபேரன் ஜோதிடர்

Thirukollikadu Sri Pongu Saneeshwara Bhagavan

கெடு பலன் நீக்கும் திருக்கொள்ளிக்காடு பொங்கு சனீஸ்வரர்!

காவிரி நதியை ஒட்டி அமைந்துள்ள நவக்கிரக பரிகார ஸ்தலங்கள் எண்ணிலடங்காதவை. அவற்றில் காவிரியின் தென்கரையில் திருத்துறைப்பூண்டி அருகே அமைந்துள்ள திருக்கொள்ளிக்காடு சனி பகவானின் ஸ்தலம் ஆகும்.

Amma arulmigu Sri Mirthupadanayagi udanurai Appan arulmigu Sri Agneeshwarar, Image Source

பஞ்சினும் மெல்லடியாள் உடனுறை அக்னீஸ்வரர் அருள்பாலிக்கும் இந்த தலத்துக்கு அக்னிபுரி என்ற பெயரும் உண்டு. இங்கு அக்னி பகவான் சிவபூஜை மேற்கொண்டதால் இத்தகைய பெயர் வந்தது. இக்கோயிலில் தனி சன்னதியில் சேவை சாதிக்கிறார் பொங்கு சனீஸ்வரர்.

சனியின் சிறப்பு

நவ கிரகங்களிலேயே ஈஸ்வரர் பட்டம் பெற்றவர் சனி பகவான் ஒருவர்தான். மந்தன் எனவும் மந்தகாரகன் எனவும் அறியப்படுகிறார் சனி. சூரியனுக்கும் சாயாதேவிக்கும் பிறந்த சனி பகவானுக்கு, "நவ கோள்களில் முக்கியத்துவம் மிகுந்த இடத்தையும், கர்மவினைகளுக்கு ஏற்ப தண்டனை அளிக்கும் பணியையும்" அருள்கிறார் ஈஸ்வரன்.

மனிதர்களின் பாவ புண்ணியங்களுக்கு ஏற்ப, விருப்பு வெறுப்புகளுக்கு அப்பாற்பட்டு தண்டனைகளையும் பலன்களையும் அளிக்கத் தொடங்குகிறார் சனி பகவான். மனிதர்களின் மனம் என்று தண்டனைகளை ஏற்றுக் கொண்டுள்ளது. அப்படியே ஏற்றாலும் செய்த பாவங்களை மனதில் நினைத்து செய்தவற்றுக்காக வருந்துபவர்கள் யார் இருக்கிறார்.

எனினும், சனி பகவான் தன் பணியை தீவிரமாக தொடர்ந்ததால் அவர் மீது பெரும் அச்சம் ஏற்படுகிறது. அவரது கடும் தண்டனையால் நவ கோள்களில் அஞ்சத் தகுந்தவராகவும், "சனி ஒரு தோஷம்" என்ற பெயரும் அவருக்குக் கிடைக்கிறது.

Sri Sani Bhagavan's Siva Pooja at Agni Vanam, Image Source

இதனால் வேதனையுற்ற சனி பகவான், தாமும் மற்ற கோள்களைப் போல் அருள்பாலிக்கவும், கேட்ட வரங்களைத் தருபவராகவும் மாற விரும்பி ஈஸ்வரனை நோக்கி இத்தலத்தில் (அக்னிவனம்) தவம் மேற்கொண்டார். அதன்மூலம் ஈஸ்வரர் பட்டமும் பெறுகிறார்.

Amma arulmigu Sri Mahalakshmi, arulmigu Sri Pongu Sani Bhagavan, Agni Vanam, Image Source

அதன் மூலம் அவரிடம் இருந்து தண்டனை அளிக்கும் ஆயுதங்கள் மறைந்து அன்பை பரப்பும் ஏர் கலப்பை கிடைக்கிறது. அருகே மகா லட்சுமியும் அமர்கிறார். நேர் எதிரே அவரது குருவான பைரவரும் அமைந்துள்ளார். (குரு பார்க்க கோடி நன்மை எனும் விதியின் அடிப்படையில்).

Arulmigu Guru Sri Bairavar, Thirukollikadu, Image Source

இதன்மூலம் பொங்கு சனீஸ்வரராக மாறி, சனி தசை, சனி புத்தி, அஷ்டம சனி, அர்த்தாஷ்டக சனி போன்ற காலங்களில் மனிதர்களின் கெடு பலன்களை குறைத்து நற்பலன்களை பரப்புகிறார். இங்குள்ள பொங்கு சனீஸ்வரரையும், பைரவரையும் ஒரே நேரத்தில் குடும்பத்துடன் வழிபடுவது சிறப்புக்குரியதாகும். அதன்மூலம் கூடினார்க்கு சனியின் கேடில்லை என்ற நிலை கிடைக்கிறது.

ஜனனகால ஜாதகத்தில் சனியால் பாதிக்கப்பட்டவர்கள், சனி தசை அல்லது புத்தி நடப்பவர்கள், கோட்சாரப்படி அஷ்டம சனி உள்ளவர்கள் (தற்போது  2017ல் மேஷ ராசியினரும், 2017 செப்டம்பருக்கு பிறகு ரிஷப ராசியினரும்) சனி கோளின் ஆதிக்கத்தில் உள்ள அனைவரும், இந்த ஸ்தலத்தில் பொங்கு சனீஸ்வரரை வழிபட்டு எள் தீபம் ஏற்றுவதும், எள் உருண்டைகளை தானமிடுவதும் மிக மிக சக்தி வாய்ந்த, மிக அவசியமான பரிகாரமாகும்.

திருக்கொள்ளிக்காடு பொங்கு சனீஸ்வரரை வழிபட்டு கெடு பலன் நீங்கி, பாதிப்பு குறைந்த பல அன்பர்கள் அதை நேரில் வந்து சிலாகித்து தெரிவித்துள்ளனர். எனவே, அன்பர்கள் அனைவரும் இத்தலத்துக்கு ஒருமுறையேனும் சென்று சனி தீர்த்தத்தில் கால் நனைத்து, சனி பகவானை வழிபட்டு பலனடைய வேண்டுகிறேன்.

முகவரி:

அக்னீஸ்வரர் திருக்கோயில்

திருக்கொள்ளிக்காடு போஸ்ட் - 610 205

திருத்துறைப்பூண்டி வட்டம்

திருவாரூர் மாவட்டம்

04369 - 237454

04366 - 325801

Other ineresting weblinks:

• Official Temple website 
• Dinamalar's article on Thirukollilkadu temple
• A detailed article from agasthiar.org

 

 Om Guruve Namaha...

நேசத்துடன்

குபேரன் ஜோதிடர்

Vaikasi Visakam

முருகன் அவதரித்த வைகாசி விசாகம்

Arulmigu Sri Thiruchendhur Murugan

• 2018 வைகாசி விசாகம்  - 28.05.2018, திங்கட்கிழமை
• 2017 வைகாசி விசாகம்  - 07.06.2017, புதன்கிழமை

வைகாசி மாதத்தில் வரும் விசாக நட்சத்திரம் முருகன் அவதரித்த புனித நாளாகும். அசுரர்களின் கொடுமைகளை முடிவுக்குக் கொண்டு வர சிவபெருமானின் மூன்றாவது கண்ணில் இருந்து ஜனனித்த ஆறு நெருப்புப்  பொறிகளின் உஷ்ணம், அக்னி பகவானையும் சுட்டது. எனவே, இதை உஷ்ணாவதாரம் என்றும் கூறலாம். அக்னி பகவானால் சரவணப் பொய்கையில் விடப்பட்ட ஆறு நெருப்புப் பொறிகளும் குளிர்ந்து அழகிய மழலைகளாயின. அவற்றுக்கு கார்த்திகைப் பெண்கள் பால் தந்து பசியாற்ற, ஓருடலில் ஆறுமுகத்துடன் அவதரித்தார் தமிழ்க் கடவுள்.

இந்த அழகிய நன்னாளில் முருகனை மனதில் நிறுத்தி வழிபடுவதும், குறிப்பாக உண்ணா நோன்பிருப்பதும், மவுன விரதம் கடைபிடிப்பதும் மிகவும் சக்திவாய்ந்த பரிகாரங்களாக தமிழர்களால் அனுஷ்டிக்கப்படுகிறது.

Arulmigu Amma Valli Thayar, Amma Devasena Thayar samedha Sri Senthilnathan. Image source

திருமணத் தடைகள் நீங்க மண வாழ்வு கைகூடவும், மகப்பேறு பாக்கியத்தை பெற்று மழலைகள் ஈனவும், வம்பு வழக்குகளால் அலைகழிக்கப்படுபவர்கள் எதிரிகளை வீழ்த்தவும், எல்லாம்வல்ல முருகன் அருளும் 16 செல்வங்களும் வாழ்வில் நிறைந்திருக்கவும் வைகாசி விசாகத்தில் விரதமிருப்பதும், மவுனம் காப்பதும் அவசியமாகும். இந்த எளிய ஆனால் சக்தி வாய்ந்த பரிகாரத்தை மேற்கொண்டு முருகனை மனதில் நிறுத்தி வழிபட்டு அன்பர்கள் அனைவரும் பலனடைய வேண்டுகிறேன்.

Vaikasi Vishakam abhisekham for Sri Skandan at Kadavul Temple, Hawaii. Image source & Information

Sri Skandan alangaram after Vishakam abhisekam, Kadavul Temple, Hawaii. Image source & Information

Interesting internet blogs on Murugan and Vaikasi Visakam:

• On Thiruchendhur and story on Muruga's avatar (Tamil) 
• Story of Muruga's avatar (English) 

முருகன், தனிவேல் முனி, நம் குரு ... என்று
அருள் கொண்டு அறியார் அறியும் தரமோ
உரு அன்று, அரு அன்று, உளது அன்று, இலது அன்று,
இருள் அன்று, ஒளி அன்று என நின்றதுவே

-  ஸ்ரீ அருணகிரிநாத சுவாமிகள்

Source: Youtube, Renedering of Sri Pamban Swamigal's Kumarasthavam (குமாரஸ்தவம்) by Thiru Seergazhi Govindarajan

Om Guruve Namaha...

நேசத்துடன்

குபேரன் ஜோதிடர்

Panguni Uthiram

 பங்குனி உத்திரத்தில் பேரருள் புரியும் தமிழ்க் கடவுள்!

 

Sri Shanmuga Subramanya Swamy painting by Raja Ravi Verma, Credit - Wikipedia

உலகத் தமிழர்களின் ஒப்பற்ற தெய்வமாய் விளங்கும் முருகனுக்கு என்று சில விசேஷ தினங்கள் உண்டு. அவை தைப்பூசம், வைகாசி விசாகம், பங்குனி உத்திரம் ஆகிய தினங்களாகும்.

தாயிடம் இருந்து முருகன் வேலை பெற்ற தினம் தைப்பூசமாகும். வெற்றியைக் குறிக்கும் அன்றைய தினம் முருக வழிபாட்டுக்கு சிறந்த தினமாகும். வைகாசி விசாகம் என்பது முருகனின் பிறந்த நாள். தமிழைப் போன்ற இளமையும் அழகும் மிளிரும் முருகக் கடவுளை அன்றைய தினத்தில் வழிபடுவது சிறந்ததாகும்.

Arulmigu Thayar Valli, Thayar Devasena samedha Sikkal Singaravelan, Picture Credit

Story of Sikkal Singaravelan, Picture Credit & More Information - Dinamalar

  

இதில் பங்குனி உத்திரத்துக்கு என்று தனிச்சிறப்பு உண்டு. மங்கலம் மற்றும் சுபகாரியங்களுக்கான தினமாக பங்குனி உத்திரம் விளங்குகிறது. கிரகங்களில் மாங்கல்யத்துக்கும், திருமணத்துக்கும் காரண கர்த்தாவான செவ்வாய் பகவானின் அதிபதி என்பதால், முருகனை பங்குனி உத்திரத்தில் பெண்கள் வழிபடுவது மிகவும் அவசியம்.

அவ்வகையில் பங்குனி உத்திரம் மிகச் சிறப்பு வாய்ந்த விசேஷ தினமாகிறது. திருமணத் தடைகள், மகப்பேறு பிரச்சினைகள், உடல் ஆரோக்கியம், இல்லறத்தில் சிக்கல், மன சிக்கல்கள், ஜெனன கால ஜாதகங்களில் இருக்கும் குறைபாடுகள் இவற்றை நிவர்த்தி செய்து கொள்ள பங்குனி உத்திரமே மிகவும் எளிமையான மற்றும் சக்தி வாய்ந்த பரிகார தினமாகும்.

Arulmigu Thayar Vallli, Thayar Devasena sametha Thiruthani Subramanya Swami, Picture Credit & Additional Information - Dinamalar

வரும் மார்ச் 30-ம் தேதி 2018 (வெள்ளிக்கிழமை) { 2017: ஏப்ரல் 9-ம் தேதி (ஞாயிற்றுக்கிழமை) } பங்குனி உத்திரமாகும். அன்றைய தினம் மவுன விரதம் மற்றும் விரதம் மேற்கொண்டு முருகனை மனதில் நிறுத்தி வழிபட்டால் மேற்கண்ட அனைத்து தடைகளும் நீங்கப் பெறுவது உறுதி. 16 செல்வங்களுக்கும் அதிபதியான முருகக் கடவுளை அன்பர்கள் அனைவரும் பங்குனி உத்திரத்தில் வழிபட்டு எல்லா வளங்களையும் பெற பிரார்த்திக்கிறேன்.

செம்மான் மகளைத் திருடும் திருடன்
பெம்மான் முருகன், பிறவான், இறவான்
.. சும்மா இரு, சொல் அற .. என்றலுமே
அம்மா பொருள் ஒன்றும் அறிந்திலனே. 

எம் தாயும் எனக்கு அருள் தந்தையும் நீ
சிந்தாகுலம் ஆனவை தீர்த்து எனையாள்
கந்தா, கதிர் வேலவனே, உமையாள்
மைந்தா, குமரா, மறை நாயகனே.  

 

- ஸ்ரீ அருணகிரிநாத சுவாமிகள் 

Amma Sri Valli Thayar, Amma Sri Devasena Thayar sametha Arulmigu Appan Sri Subramaniya Swamy, Vallakottai, Source & more information

 

• Sri Kandhar Anuboothi in youtube - 1 by Dharmapuram Swaminathan
• Sri Kandhar Anuboothi with lyrics in youtube - 2 
• Sri Kandhar Anuboothi explanations in English

   

Om Guruve Namaha.....

நேசத்துடன்
குபேரன் ஜோதிடர்